الدنيا ما هي إلا منامة
لما تفتح عينيك،،
تلقى روحك في يوم القيامة
خلي نفسك،،
ديما عليك لوامة
اعمل في دنيتك،،
باه تلقى الله بالابتسامة
اتفكر الموت،،
هي في كل وقت عليك حوامة
عند كل باب واقف،،
ملك الموت يستنى من الله العلامة
يا ابن آدم اعمل الخير،،
لا تصبح غدوا في ندامة
اخدم الخير و انساه،،
تخرج من المحاين بسلامة
الدنيا ما هي إلا منامة
عايشين فيها،،
صباح وعشية في دوامة
فيها لي عايش،،
متمتع في عز و كرامة
فيها لي بايت،،
على الطريق و ياكل من القمامة
فيها لي ساكن في القصور،،
يفطر بالعسل و يتعشى بالحمامة
يا ربي،،
خرجنا بخير من هذي الدوامة
نشد في ربي،،
هو على كل شيء قدير
و نحمده و نشكره،،
هو لي جعل قلبي بصير
و ما صبري إلا بالله،،
لي بكل خفية خبير
ولله الحمد،،
في الأولى والآخرة وإليه المصير
الخميس أكتوبر 01, 2009 10:03 pm
